24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
ԱՄՆ-ը պատժամիջոցներ է սահմանել Աշոտ Մկրտիչևի հետ կապված երեք ընկերությունների դեմ
Քաղաքականություն
17.08.2023 | 14:54
Միացյալ Նահանգները պատժամիջոցներ է սահմանել երեք ընկերությունների նկատմամբ, որոնք, Վաշինգտոնի կարծիքով, կապված են Հյուսիսային Կորեայի և Ռուսաստանի միջև զենքի գործարքների հետ, հայտնում է Reuters-ը։
ԱՄՆ Ֆինանսների նախարարությունը հայտարարել է, որ Ռուսաստանը գնալով ստիպված է լինում դիմել ԿԺԴՀ-ին և այլ դաշնակիցների՝ զինամթերքի և զենքի մատակարարումների համար, որոնք երկիրը կորցնում է ուկրաինական պատերազմի ժամանակ։
Պատժամիջոցների ցանկը համալրել է, մասնավորապես, Մոսկվայում գրանցված ռուսական «Վերուս» ՍՊԸ ընկերությունը, որը հայտնի է նաև որպես «Վերուս» խորհրդատվական խումբ։ Բացի այդ, ցանկում են ղազախական Defense Engineering LLP ձեռնարկությունը և սլովակյան Versor-ը։ Վաշինգտոնը նշում է այս բոլոր ընկերությունների կապը Սլովակիայի քաղաքացի Աշոտ Մկրտիչևի հետ, որը նույնպես ընդգրկված է պատժամիջոցների ցուցակում։ Մկրտիչևը «Վերսորի» նախագահն է, «Վերուս»-ի հիմնադիրն ու սեփականատերը և «Defense Engineering»-ի տնօրենը:
ԱՄՆ-ը Մկրտիչևին մեղադրել է Հյուսիսային Կորեայի և Ռուսաստանի ներկայացուցիչների հետ բանակցելու մեջ։ Ըստ Վաշինգտոնի՝ այդ բանակցությունների նպատակն էր ավելի քան 20 տեսակի զենք ու զինամթերք փոխանցել Ռուսաստանին՝ Հյուսիսային Կորեայի համար ապրանքների դիմաց։
