16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բուլղարիան միանում է Ուկրաինայի անվտանգությանն աջակցելու մասին G7-ի հռչակագրին
Քաղաքականություն
17.08.2023 | 11:11
Բուլղարիայի կառավարությունը հավանություն է տվել Ուկրաինային անվտանգության երկարաժամկետ աջակցություն տրամադրելու մասին G7 երկրների հռչակագրին միանալու որոշմանը, գրում է BBC-ի ռուսական ծառայությունը։
Համատեղ հռչակագիրը, որը նախատեսում է Ուկրաինային երկարաժամկետ աջակցության սկզբունքները, հուլիսի 12-ին Վիլնյուսում ՆԱՏՕ-ի գագաթնաժողովի ժամանակ ստորագրել են աշխարհի յոթ առաջատար երկրների խմբի ղեկավարները։
«Մեծ յոթնյակի» երկրները պարտավորվել են ապահովել Ուկրաինայի անվտանգությունը երկարաժամկետ հեռանկարում և անհապաղ պատասխանել Ռուսաստանի կողմից հնարավոր ագրեսիային, եթե դա տեղի ունենա ապագայում, այսինքն՝ ներկայիս պատերազմի ավարտից հետո։
«Բուլղարիայի Հանրապետությունը քաղաքական և գործնական աջակցություն է ցուցաբերում Ուկրաինային, որն իր հակազդեցությամբ ռուսական ագրեսիային ուղղակիորեն նպաստում է ԵՄ անդամ բոլոր երկրների ազատության, անվտանգության և ինքնիշխանության պաշտպանությանը»,- ասվում է փաստաթղթում, որը տեղադրված է Բուլղարիայի Նախարարների խորհրդի կայքէջում։
«Այս հետևողական քաղաքականության շրջանակներում Բուլղարիան կմիանա «Մեծ յոթնյակի» երկրների համատեղ հռչակագրին՝ ի պաշտպանություն Ուկրաինայի»,- հայտնում է կառավարության մամուլի ծառայությունը։
Բուլղարիայի ԱԳՆ-ին հանձնարարվել է որոշման մասին տեղեկացնել շահագրգիռ կողմերին։
