18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ-ում առաջարկում են պարզեցնել ոստիկանության հասանելիությունը քաղաքացիների նամակագրությանը
Քաղաքականություն
16.08.2023 | 20:27
Ռուսաստանի Դաշնության ՆԳ նախարարությունն առաջարկել է փոփոխություններ մտցնել «Օպերատիվ-որոնողական գործունեության մասին» օրենքում և համացանցով փոխանցված ցանկացած տեղեկություն ճանաչել քննչական գործողությունների համար անհրաժեշտ։ Գերատեսչության կողմից մշակված փոփոխությունները հրապարակվել են իրավական ակտերի պորտալում, գրում է DW-ի ռուսական ծառայությունը։
Փաստաթղթի համաձայն՝ օպերատիվ-որոնողական գործունեության ցանկը կարող է լրացվել կետով, որը նախատեսում է Ներքին գործերի նախարարության և Անվտանգության դաշնային ծառայության (ФСБ) աշխատակիցների կողմից տեղեկատվության ուսումնասիրություն՝ ներառյալ այն, որը պարունակվում է դրա փոխանցման տեխնոլոգիական համակարգերում, այդ թվում՝ համացանցը։
Այսպիսով, պետական այս գերատեսչությունները կկարողանան «իրական ժամանակում ուսումնասիրել տարբեր համակարգչային տվյալներ, որոնք ներառում են ոչ միայն տեքստային, աուդիո և/կամ վիդեո տեղեկատվություն, այլև տեխնիկական տվյալներ։
Բացի այդ, փոփոխությունները նախատեսում են քաղաքացիների նամակագրությանը անվտանգության աշխատակիցների հասանելիության պարզեցում։ Եթե այս փոփոխություններն ընդունվեն, իրավապահ մարմիններին հնարավորություն կտրվի ուսումնասիրել տեքստային հաղորդագրությունները և կապի մասին տեղեկատվությունը տվյալների կենտրոններից, ամպային պահուստներից, հեռահաղորդակցության օպերատորներից և քաղաքացիների սարքերից՝ մինչև դատարանի համապատասխան որոշումը։
