25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
Ռումինիան հաստատել է, որ կպատրաստի ուկրաինացի օդաչուներին F-16 կառավարելու համար
Քաղաքականություն
16.08.2023 | 16:36
Ռումինիայի նախագահը հաստատել է, որ իր երկիրը կմասնակցի F-16 կործանիչներ կառավարելու համար ուկրաինացի օդաչուների վերապատրաստմանը, գրում է DW-ի ռուսական ծառայությունը։
«Մենք կմասնակցենք ուկրաինացի զինվորականների վերապատրաստմանը Եվրամիության ռազմական օգնության առաքելության շրջանակում և կտեղակայենք F-16-երի օդաչուների պատրաստման տարածաշրջանային ուսումնական կենտրոն, որը կսպասարկի ռումինացի, դաշնակից և ուկրաինացի օդաչուներին»,- հայտարարել է Կլաուս Յոհանիսը Ռումինիայի նավատորմի օրվա կապակցությամբ։
«Մենք շատ մոտ ենք Ուկրաինայի դեմ Ռուսաստանի ագրեսիվ պատերազմին, և վերջին էսկալացիան, ներառյալ՝ հարձակումը ուկրաինական քաղաքացիական ենթակառուցվածքների վրա Դանուբում, մեր տարածքային ջրերի և մեր երկրի մոտ, զգալի վտանգ է ներկայացնում Սև ծովում անվտանգությանը»,- ասել է Յոհանիսը:
Նրա խոսքով՝ Բուխարեստը ՆԱՏՕ-ի դաշնակիցների հետ միասին կշարունակի աջակցել Ուկրաինային «խաղաղության և ազատության համար պայքարում» այնքան ժամանակ, որքան պահանջվի։
«Ինչպես նախկինում՝ մենք Կիևին կտրամադրենք բազմակողմ քաղաքական և գործնական աջակցություն ինչպես երկկողմանի, այնպես էլ Ուկրաինային նվիրված ՆԱՏՕ-ի նախագծերին մասնակցելու միջոցով»,- ընդգծել է Ռումինիայի ղեկավարը։
