Ինչ է առաջարկել Լավրովը ԼՂ բնակչության իրավունքների մասով․ Տիգրան Պետրոսյանը փաստաթուղթ է հրապարակել

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Արցախի նախագահին կից հակաճգնաժամային խորհրդի նախագահ Տիգրան Պետրոսյանը Ֆեյսբուքում գրել է, որ ՌԴ ԱԳ նախարար Սերգեյ Լավրովն Ադրբեջանի կազմում հայերի իրավունքների մասին առաջարկների նախագիծ է ներկայացրել։

«Այս փաստաթուղթն է առաջարկել Լավրովը հուլիսի 25-ին… Ստիպված եմ հրապարակել, որպեսզի հանրությունը հասկանա, թե ինչ է իրականում կատարվում… Այսօր Պուտինը հնարավորություն ունի ՄԱԿ-ի անվտանգության նիստին փոխել իր վերաբերմունքն ու պլանները… Սպասենք…»,- գրել է Տիգրան Պետրոսյանը՝ նաև փաստաթղթի լուսանկարը հրապարակելով։

Առաջարկների նախագիծը վերնագրված է «Հայ բնակչության անվտանգության ու իրավունքների ապահովման հիմնական սկզբունքներն ու պարամետրերը Ադրբեջանական ԽՍՀ-ի նախկին Լեռնային Ղարաբաղի ինքնավար մարզի տարածքում՝ Ադրբեջանի Հանրապետության օրենսդրությանը համապատասխան»:

Ըստ այդ փաստաթղթի՝ «լավրովյան պլանը» կազմված է 14 կետից, որի թարգմանությունը Factor.am-ը ներկայացնում է ստորև․

1. Օրենքի առաջ հավասարություն և իրավահավասար պաշտպանություն. էթնիկ, լեզվական կամ կրոնական և այլ հիմքերով խտրականության բացառում;

2. Իրենց կոմպակտ բնակության վայրերից հայ բնակչության բռնի/ոչ ինքնակամ վերաբնակեցման կանխարգելում;

3. Տեղական իշխանություններին և զինված խմբավորումներին մասնակցելու պատրվակով հայ բնակչության հալածանքների, պատժի և իրավունքների ցանկացած սահմանափակման օրենսդրական արգելք՝ բացառությամբ այն անձանց, որոնք դատական կարգով մեղավոր են ճանաչվել ռազմական հանցագործությունների համար;

4. Հայ բնակչության համամասնական ներկայացվածությունն օրենսդիր, դատական և գործադիր իշխանությունների հանրապետական, մարզային և քաղաքային կառույցներում, այդ թվում՝ Ադրբեջանի Հանրապետության ոստիկանությունում և դատախազությունում;

5. Մասնակցություն հանրապետական, մարզային և տեղական մակարդակներում հայ բնակչությանը վերաբերող որոշումների մշակմանը և ընդունմանը;

6. Ադրբեջաներենի հետ հայերենի ազատ օգտագործումը պետական հաստատություններում, այդ թվում՝ պաշտոնական նամակագրությունում և գրասենյակային աշխատանքում, ինչպես նաև հայաշատ բնակավայրերի հասարակական վայրերում, ներառյալ ճանապարհային նշանների, ցուցանակների տեղադրումը և հայերենով հայտարարությունները;

7. Հայ բնակչության մասնավոր սեփականության, այդ թվում՝ անշարժ գույքի և հողամասերի անձեռնմխելիությունը;

8. Հասարակական կազմակերպությունների ստեղծում և դրանց անխոչընդոտ գործունեության ապահովում;

9. Պայմանների ապահովում, որն անհրաժեշտ է հայ բնակչության համար իր կրոնի ազատ դավանանքի, կրոնական հաստատությունների և կազմակերպությունների գործունեության համար։ Նրանց ունեցվածքի անձեռնմխելիություն;

10. Հայ մշակույթի և ազգային ինքնության, այդ թվում՝ պատմամշակութային ժառանգության պահպանում, հայերենով զանգվածային լրատվության միջոցների զարգացում;

11. Պետական և մասնավոր ուսումնական հաստատություններում հայալեզու նախադպրոցական, նախնական, միջնակարգ և բարձրագույն կրթության ստացում;

12. Հայաստանի Հանրապետության և Ադրբեջանի Հանրապետության միջև առանձին համաձայնագրի հիման վրա նախկին Ադրբեջանական ԽՍՀ-ի Լեռնային Ղարաբաղի ինքնավար մարզի տարածքում բնակվող հայ բնակչության և Հայաստանի Հանրապետության միջև սերտ մշակութային, կրթական, գիտական, լրատվական, սպորտային և այլ մարդասիրական կապերի ապահովում;

13. Հայ բնակչության կողմից սահմանից այն կողմ ազատ և խաղաղ կապերի հաստատում և պահպանում այլ պետությունների տարածքում օրինական կերպով տեղակայված անձանց հետ, մասնավորապես, այն անձանց, ում հետ նրանք ունեն ընդհանուր էթնիկ, մշակութային, լեզվական և կրոնական ինքնություն կամ ընդհանուր մշակութային ժառանգություն;

14. Դրսից հայ բնակչության համար տնտեսական և մարդասիրական օգնության անխոչընդոտ ստացում։