02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Արցախին օգնություն տրամադրելու որոշումից հետո Ադրբեջանի ԱԳՆ է կանչվել երկրում Իսպանիայի գործերի հավատարմատարը
Քաղաքականություն
15.08.2023 | 19:15
Արցախին օգնություն տրամադրելու՝ Իսպանիայի որոշումից հետո Բաքվում հիստերիա է սկսվել։ Ադրբեջանի ԱԳՆ-ի տարածած հաղորդագրության համաձայն՝ այսօր գերատեսչություն է հրավիրվել երկրում Իսպանիայի գործերի ժամանակավոր հավատարմատար Պատրիսիա Սերանո Սանչեսը՝ «անընդունելի և անհասկանալի հրապարակման» կապակցությամբ։
Ադրբեջանական լրատվամիջոցների փոխանցմամբ՝ դեսպանին ասվել է, որ «այս ոչ կառուցողական մոտեցումը չի համապատասխանում ադրբեջանա-իսպանական հարաբերությունների ոգուն և խստորեն դատապարտվում է Ադրբեջանի կողմից»։
Հիշեցնենք, որ Ռուսաստանում Իսպանիայի դեսպանությունը հայտարարել էր արցախահայերին օգնություն տրամադրելու մասին՝ X-ում գրառմանը կցելով Արցախի դրոշը։
Մասնավորապես, ՌԴ-ում Իսպանիայի դեսպանատունը X սոցցանցի պաշտոնական էջում հայտնել էր, որ Իսպանիայի միջազգային զարգացման համագործակցության կազմակերպությունը որոշել է աջակցել Արցախից Հայաստան տեղահանված հազար մարդու՝ «Մենք՝ հանուն սովի դեմ պայքարի» մարդասիրական ակցիայի շրջանակում։
