Քաղաքականություն
15.08.2023 | 23:17
Թուրքիայի երեք խոշոր նահանգներ ներկայում պայքարում են իրենց ջրային ռեսուրսների արագ սպառման դեմ՝ Էլ Նինյո երևույթի հետևանքով առաջացած սաստիկ բարձր ջերմաստիճանի և կլիմայական ցնցումների պատճառով, գրում է Sabah-ը։
Ստամբուլը, Անկարան և Իզմիրը բախվում են ջրամատակարարման մոտալուտ ճգնաժամի հետ, քանի որ երկրում չի նահանջում ջերմային ալիքը, որի պատճառով մի քանի ամբարտակներում ջրի մակարդակն անկում է ապրել՝ հասնելով բոլոր ժամանակների նվազագույնին։
Պաշտոնական վիճակագրությունը ցույց է տալիս, որ անձրևների բացակայության պայմաններում Ստամբուլում մնացել է ընդամենը 68 օրվա ջուր, որին հաջորդում են մայրաքաղաք Անկարան՝ 225 օրվա, և Իզմիրը, որտեղ վիճակը համեմատաբար ավելի լավ է՝ 400 օրվա ջուր:
Ստամբուլի Ջրամատակարարման և կոյուղու վարչության (ISKI) խոսնակը տեղական լրատվամիջոցներին փոխանցել է, որ բնակարաններում ջրի սպառման գրեթե 70%-ը բաժին է ընկնում լոգարանի օգտագործմանը և հանրության խնդրել է ավելի կարճ տևողությամբ լոգանք ընդունել:
