24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Ստամբուլում գործողության ընթացքում ձերբակալվել է Թուրքիայում ՌԴ նախկին դեսպան Անդրեյ Կառլովի սպանության գործով «կարևոր մեղադրյալ»
Քաղաքականություն
15.08.2023 | 15:46
Թուրքական լրատվամիջոցները հայտնել են Ստամբուլում գործողության ընթացքում Թուրքիայում Ռուսաստանի նախկին դեսպան Անդրեյ Կառլովի սպանության գործով «կարևոր մեղադրյալի» ձերբակալության մասին։ Հիշեցնենք՝ Կառլովը սպանվել է 2016 թվականի դեկտեմբերի 19-ին Անկարայում լուսանկարչական ցուցահանդեսի բացման ժամանակ։
Sabah-ի հաղորդմամբ՝ Թուրքիայի ոստիկանությունը երեքշաբթի հայտարարել է, որ գործողության ընթացքում ձերբակալվել է 2016 թվականին Անկարայում Ռուսաստանի դեսպանի սպանության գործով գյուլենական խմբավորման (FETÖ – Թուրքիայում ճանաչված է որպես ահաբեկչական) առանցքային գործչի կինը։
Միաժամանակ, Թուրքիայում ՌԴ դեսպանատնից ՌԻԱ Նովոստիին հայտնել են, որ Թուրքիայի իրավապահ մարմիններից տեղեկություն չեն ստացել դեսպան Անդրեյ Կառլովի սպանության գործով մեղադրյալի ձերբակալության մասին։
Հիշեցնենք, որ Թուրքիայում Անդրեյ Կառլովի վրա հարձակումն իրականացրել էր ոստիկան Մևլութ Մերթ Ալթինթաշը, որին ուժայինները ոչնչացրել են։ ՌԴ նախագահ Վլադիմիր Պուտինը Կառլովին հետմահու շնորհել է Ռուսաստանի հերոսի կոչում։
