Քաղաքականություն
15.08.2023 | 15:08
Բրյուսելը կարող է երաշխավորել Վրաստանին ԵՄ անդամակցության թեկնածուի կարգավիճակ տրամադրել այս տարվա աշնանը։ Այս մասին «Իզվեստիա»-ին ասել է ԵՄ արտաքին ծառայության պաշտոնական ներկայացուցիչ Պետեր Ստանոն։
Նրա խոսքով՝ կարգավիճակ ստանալու համար Թբիլիսին պետք է համապատասխանի ԵՄ բոլոր պահանջներին։
«Եվրահանձնաժողովն այս տարվա աշնանը կներկայացնի Վրաստանի կողմից այս առաջնահերթությունների կատարման գնահատականը (Եվրահանձնաժողովի առաջարկած պայմանները) և հանձնարարականը՝ Վրաստանին թեկնածուի կարգավիճակ տրամադրելու վերաբերյալ»,- ասել է Ստանոն:
Վրաստանը ԵՄ-ին արագացված ընթացակարգով անդամակցելու համար պաշտոնապես դիմել է 2022 թվականի մարտի 3-ին։ Հունիսի 23-ին Եվրոպական խորհուրդը հայտարարեց, որ ԵՄ առաջնորդները որոշել են ճանաչել Վրաստանի եվրոպական հեռանկարը և նրան տալ թեկնածուի կարգավիճակ, հենց որ 12 «առաջնահերթությունները» կատարվեն։
2023 թվականի օգոստոսի 9-ին Վրաստանի խորհրդարանի նախագահ Շալվա Պապուաշվիլին ԵՄ-ից պահանջել է երկրին ԵՄ անդամակցության թեկնածուի կարգավիճակ տրամադրել մինչև 2023 թվականի վերջ։ Այս տարվա հունիսին Եվրահանձնաժողովը հայտարարել է, որ Վրաստանը կատարել է 12 հանձնարարականներից միայն երեքը։ Հանրապետության վարչապետ Իրակլի Ղարիբաշվիլին ավելի վաղ հայտարարել էր, որ Վրաստանն արդեն կատարել է 11 հանձնարարական։
