02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Էկվադորում ընտրություններից առաջ երկրորդ քաղաքական գործիչն է սպանվել
Քաղաքականություն
15.08.2023 | 13:31
Էկվադորի Էսմերալդաս նահանգում «Քաղաքացիական հեղափոխություն» ձախ քաղաքական շարժման առաջնորդ Պեդրո Բրիոնեսը սպանվել է իր տան մոտ անհայտ անձանց կողմից։ DW-ի ռուսական ծառայության փոխանցմամբ՝ այս մասին հայտնել են նրա կուսակից ընկերները։
«Քաղաքացիական հեղափոխությունից» նախագահի թեկնածու Լուիս Գոնսալեսը ցավակցություն է հայտնել մահացածի հարազատներին։
«Էկվադորն ապրում է իր ամենաարյունալի դարաշրջանը։ Մենք սրա համար պարտական ենք ապաշնորհ կառավարությանը և մաֆիայի կողմից գրավված պետությանը: Իմ համերաշխությունն եմ հայտնում ու գրկում եմ գործընկեր Պեդրո Բրիոնեսի ընտանիքին, որն ընկավ այս բռնության ժամանակ»,- գրել է նա X-ում (նախկին Twitter):
Մի քանի օր առաջ երկրում սպանվել էր ևս մեկ քաղաքական գործիչ՝ նախագահի թեկնածու Ֆերնանդո Վիլյավիսենսիոն։ El Universo պարբերականի տեղեկացմամբ՝ նրա գլխին երեք անգամ կրակել են Կիտոյում նախընտրական հանդիպումից հետո։
