24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Հավայան կղզիներում հրդեհի հետևանքով մարդկային կորուստների թիվը հասել է 96-ի
Քաղաքականություն
14.08.2023 | 17:39
Հավայան Մաուի կղզում անտառային հրդեհների զոհերի թիվը հասել է 96-ի։ Այս մասին օգոստոսի 14-ին հայտնել է CNN-ը՝ վկայակոչելով տեղական իշխանություններին։
Կուլա քաղաքի տարածքում բռնկված հրդեհը տեղայնացվել է 60%-ով, Լահայնա քաղաքում, որը հրդեհից ամենաշատն է տուժել՝ 85%-ով։
Ավելի վաղ հայտնի էր դարձել, որ բնակավայրերից տարհանված բնակիչները չեն կարող վերադառնալ կղզի նույնիսկ հրդեհը մարելուց հետո՝ օդում այրման թունավոր նյութերի առատության պատճառով։
Մաուի կղզում անտառային հրդեհները մոլեգնում են օգոստոսի 9-ից։ Ուժեղ քամու պատճառով կրակն արագ տարածվել է զբոսաշրջային Լահայնա քաղաք՝ ընդգրկելով բնակավայրի գրեթե ամբողջ տարածքը։
Հավայան կղզիների նահանգապետ Ջոշ Գրինը հայտարարել է, որ նահանգի պատմության մեջ ամենամեծ բնական աղետի վնասը գնահատվում է 6 միլիարդ դոլար:
