16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Արարատ Միրզոյանը ցավակցական ուղերձ է հղել Ուկրաինայի ԱԳ նախարարին
14.08.2023 | 16:28
Հայաստանի Հանրապետության դեսպանությունն իր խորին ցավակցությունն է հայտնել Հայաստանի Հանրապետությունում Ուկրաինայի գործերի ժամանակավոր հավատարմատար Ալեքսանդր Սենչենկոյի ողբերգական մահվան կապակցությամբ: Այս մասին ասված է Ուկրաինայում Հայաստանի դեսպանության Ֆեյսբուքի էջում, որին կից հրապարակված է ՀՀ ԱԳ նախարար Արարատ Միրզոյանի ցավակցական ուղերձը Ուկրաինայի իր գործընկերոջը՝ Դմիտրո Կուլեբային:
Ինչպես ավելի վաղ տեղեկացրել էինք՝ Սևանա լճում երեկ ջրահեղձ եղած քաղաքացին ՀՀ-ում Ուկրաինայի գործերի ժամանակավոր հավատարմատար Ալեքսանդր Սենչենկոն է։ ՆԳՆ-ից այսօր հայտնել են, որ օգոստոսի 13-ին, ժամը 20.30-ին, ՆԳՆ ոստիկանության Գեղարքունիքի մարզի օպերատիվ կառավարման կենտրոն հաղորդում է ստացվել, որ Սևանա լճի հանրային լողափում ջրահեղձ մարդ կա: Նշված հասցե օպերատիվ խումբ է մեկնել: Գեղարքունիքի մարզի փրկարարական վարչության ՀՋՋ աշխատակիցների հետ ձեռնարկած միջոցառումների արդյունքում պարզվել է, որ ջրահեղձ եղած տղամարդը Ուկրանիայի Հանրապետության քաղաքացի է: Պարզվել է, որ նա ժամը 20.40-ի սահմաններում Սևանա լճի հանրային լողափում՝ ափից մոտ 30 մ հեռավորության վրա, լողալիս ջրահեղձ է եղել։ ՀՋՋ աշխատակիցների կողմից լճից դուրս է բերվել նրա դիակը: Կազմված փաստաթղթերն ուղարկվել են Սևանի քննչական բաժին:
