Օգոստոսի 14-ին, ժամը 00:53-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի «Նաիրիտ» գործարանի մոտակայքում գտնվող գրենական պիտույքների պահեստում․ տեղեկացնում են ՆԳն փրկարարծառայությունից։
Հրդեհի բարդության «1 ԲԻՍ» կանչով դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ:
Պարզվել է, որ հրդեհը բռնկվել է Մասիսի փողոցում գտնվող գրենական պիտույքների պահեստում (մոտ 100 քմ)։
Հրդեհի բարդության «1 ԲԻՍ» կանչը չի հաստատվել. դեպքի վայրում աշխատանքներ է իրականացրել երկու մարտական հաշվարկ, մյուս երկուսը հետ է վերադարձել:
Հրդեհը մեկուսացվել է ժամը 01:27-ին, մարվել՝ 01։45-ին։ Ջերմահարվել են պահեստի պատերը և առաստաղը (մոտ 40 քմ), այրվել են գրենական պիտույքներ։
Դեպքի վայրում է գտնվել ՆԳՆ ՓԾ տնօրենի տեղակալ փ/ծ գնդապետ Տիգրան Պետրոսյանը։
