18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Զելենսկին պաշտոնանկ է արել բոլոր տարածաշրջանային «զինվորական կոմիսարներին»
Քաղաքականություն
11.08.2023 | 18:11
Ուկրաինայում բոլոր տարածաշրջանային զինկոմները կազատվեն աշխատանքից. նրանց կփոխարինեն ռազմաճակատում կռված զինվորները։ Այս մասին օգոստոսի 11-ի իր ուղերձում հայտնել է նախագահ Վլադիմիր Զելենսկին, գրում է korrespondent-ը։
Նա հիշեցրել է, որ այսօր Ազգային անվտանգության և պաշտպանության խորհրդի նիստ է անցկացրել, որի ընթացքում լսել է զինկոմիսարների ստուգման արդյունքները։
«Ընդհանուր առմամբ, արդեն 112 քրեական գործ կա զինկոմիսարիատների պաշտոնյաների դեմ, 33 կասկած։ Տարածաշրջանային «զինվորական կոմիսարներ»՝ քաղաքային, շրջանային, զինկոմիսարիատների աշխատակիցներ, այլ պաշտոնյաներ։ Չարաշահումներ տարբեր շրջաններում՝ Դոնեցկ, Պոլտավա, Վիննիցա, Օդեսա, Կիև, Լվով։ Ոմանք կանխիկ գումար են վերցրել, ոմանք՝ կրիպտոարժույթով, միայն սա է տարբերությունը: Ցինիզմն ամենուր նույնն է»,- ասել է Զելենսկին:
Նրա խոսքով՝ հանդիպման արդյունքում որոշվել է աշխատանքից ազատել բոլոր մարզային զինկոմներին։
Զելենսկին հավելել է, որ զինկոմիսարիատները պետք է ղեկավարեն ռազմաճակատով անցած կամ խրամատներում գտնվել չկարողացող զինվորականներ, քանի որ «կորցրել են առողջությունը, վերջույթները, բայց պահպանել են իրենց արժանապատվությունը և չունեն ցինիզմ»։
