23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Էկվադորում վեց կոլումբիացու են ձերբակալել՝ կապված նախագահի թեկնածուի սպանության հետ
Քաղաքականություն
11.08.2023 | 21:40
Էկվադորի իշխանությունները ձերբակալել են Կոլումբիայի վեց քաղաքացիների, ովքեր կասկածվում են Էկվադորի նախագահի թեկնածուի սպանության մեջ, որը հանդես էր եկել կոռուպցիայի դեմ։ Վեց տղամարդկանց հայտնաբերել են Էկվադորի մայրաքաղաք Կիտոյի տներից մեկում, ասվում է ոստիկանության հաղորդագրության մեջ, փոխանցում է VOA-ն:
Ոստիկանությունը նաև առգրավել է չորս որսորդական հրացան, 5,56 մմ տրամաչափի հրացան, զինամթերք և երեք նռնակ, ինչպես նաև մեկ ավտոմեքենա և մոտոցիկլետ, ասվում է հաղորդագրության մեջ։
Հիշեցնենք, որ 59-ամյա Ֆերնանդո Վիլյավիսենսիոն, որը հայտնի է թմրակարտելների դեմ իր ելույթներով, սպանվել է չորեքշաբթի Կիտոյում՝ արտահերթ նախագահական ընտրություններից երկու շաբաթ առաջ։
