15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ՄԱԿ-ի ԱԽ անդամ երկրները կոչ են արել Ռուսաստանին դուրս բերել իր ԶՈՒ-ն Վրաստանի տարածքից
Քաղաքականություն
11.08.2023 | 16:56
2008 թվականի օգոստոսի վրաց-օսական պատերազմի 15-րդ տարելիցին ՄԱԿ-ի Անվտանգության խորհրդի անդամ երկրները կոչ են արել Ռուսաստանին լիովին կատարել իր պարտավորությունները և դուրս բերել իր զինված ուժերը Վրաստանի տարածքից, փոխանցում է VOA-ն:
Ալբանիայի, Ֆրանսիայի, Ճապոնիայի, Մալթայի, Մեծ Բրիտանիայի և ԱՄՆ-ի ներկայացուցիչները դռնփակ հանդիպում են անցկացրել Վրաստանում ստեղծված իրավիճակի վերաբերյալ։
«Մենք վճռականորեն վերահաստատում ենք Վրաստանի անկախությունը, ինքնիշխանությունը և տարածքային ամբողջականությունը նրա միջազգայնորեն ճանաչված սահմաններում։ Մենք ցավում ենք Ռուսաստանի Դաշնության կողմից Վրաստանի տարածքային ամբողջականության շարունակական կոպտագույն խախտումների համար։ Մենք դատապարտում ենք Ռուսաստանի կոշտ ներխուժումը, ռազմական մոբիլիզացիան տեղում և վերահսկողությունն Աբխազիայի ու Ցխինվալի շրջանի նկատմամբ, որոնք Վրաստանի անբաժանելի մասն են, ինչպես նաև Վրաստանի այդ շրջանները բռնակցելու՝ Ռուսաստանի քայլերը»,- հայտարարել է ՄԱԿ-ում Ալբանիայի մշտական ներկայացուցիչ Ֆերիտ Հոջան հանդիպումից հետո։
