18.12.2025 | 14:50
Զելենսկին ժամանել է Բրյուսել՝ մասնակցելու ԵՄ գագաթնաժողովին. որոշվելու է ռուսական սառեցված ակտիվների ճակատագիրը
Մոսկվան կրկին ԱԹՍ-ի հարձակման է ենթարկվել․ Կարամիշևսկայա ամբարտակի մոտ պատահարի մասին է հաղորդվել
Քաղաքականություն
11.08.2023 | 12:57
Baza տելեգրամ-ալիքը գրում է Մոսկվայի Կարամիշևսկայա ամբարտակի տարածքում անօդաչու թռչող սարքի պատճառով պայթյունի մասին՝ վկայակոչելով ականատեսներին։ Տելեգրամ-ալիքը հրապարակել է նաև երկու վայրկյան տևողությամբ տեսանյութ, որտեղ ծուխ է երևում ափամերձ հատվածում, գրում է BBC-ի ռուսական ծառայությունը։
Baza-ն նաև պնդում է, որ ԱԹՍ-ն թռել է Մերձմոսկվայի Իստրինսկի շրջանի կողմից և ականատեսների կողմից նկարահանվել Պավլովյան Սլոբոդայի շրջանում։
Ռուսական «ՌԻԱ Նովոստի»-ն, վկայակոչելով ականատեսին, առայժմ հայտնում է, որ «ուժեղ պայթյուն է լսվել Մոսկվայի հյուսիս-արևմուտքում գտնվող Կարամիշևսկայա ամբարտակի տարածքում»։
Մոսկվայի քաղաքապետ Սերգեյ Սոբյանինը հաստատել է ՌԴ մայրաքաղաքի վրա անօդաչու թռչող սարքի հարձակման լուրը։
«Քաղաքի վրայով թռչելու մեկ ԱԹՍ-ի փորձ է գրանցվել։ ՀՕՊ աշխատանքի արդյունքում այն ոչնչացվել է»,- հայտնել է Սոբյանինը։
Նա հաստատել է, որ անօդաչու թռչող սարքի բեկորներն ընկել են Կարամիշևսկայա ամբարտակի տարածքում։
Սոբյանինի պնդմամբ՝ անօդաչու թռչող սարքի հարձակման հետևանքով ոչ ոք չի տուժել, լուրջ վնասներ չեն եղել։
