25.02.2026 | 17:28
Վարչապետը պաշտոնական այցով ժամանել է Լեհաստան
ՌԴ-ն «Իսկանդեր»-ով հարվածել է Զապորոժիեին
Քաղաքականություն
11.08.2023 | 12:43
Զապորոժիեի քաղաքապետի պաշտոնակատար Անատոլի Կուրտևը հայտնել է, որ քաղաքի վրա ռուսական հրթիռային հարձակման հետևանքով զոհվել է 1 մարդ, կա 14 տուժած, գրում է BBC-ի ռուսական ծառայությունը։
Նրա խոսքով՝ վիրավորների թվում կա երկու երեխա՝ 3-ամյա աղջիկ և 14-ամյա տղա։ Կուրտևը գրել է, որ աղջիկը հոսպիտալացվել է, սակայն նրա վիճակը ծանր չէ։
Ուկրաինայի ոստիկանությունը հայտնել է, որ ռուսական կողմն օգտագործել է «Իսկանդեր-Կ» հրթիռ: Ոստիկանության տվյալներով՝ հարվածի հետևանքով հրդեհվել են մոտակայքում կայանված մեքենաներ, պայթյունի ալիքից վնասվել են քաղաքացիական ենթակառուցվածքները։
Դատելով լուսանկարներից՝ հարվածը եղել է Զապորոժիեի հյուրանոցներից մեկի ուղղությամբ։
