24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Հրետակոծություն Բրյանսկի շրջանում և խոցված անօդաչու Բելգորոդի շրջանում
Քաղաքականություն
10.08.2023 | 15:43
ՌԴ Բրյանսկի մարզի նահանգապետ Ալեքսանդր Բոգոմազը հայտարարել է Սևսկի շրջանի Խինել գյուղի գնդակոծման մասին՝ դրանում մեղադրելով Ուկրաինայի զինված ուժերին։
«Զոհեր չկան, հրետակոծության հետևանքով մասնակի վնաս է հասցվել բնակելի շենքի և առևտրային օբյեկտի»,- գրել է նա Telegram-ում։
Իր հերթին, Բելգորոդի շրջանի նահանգապետ Վյաչեսլավ Գլադկովը հայտնել է, որ Բելգորոդի մարզում ինքնաթիռի տիպի անօդաչու թռչող սարք է խոցվել։ Նա նաև նշել է, որ խոցման հետևանքների մասին տեղեկություն չունի։
Այսօր ավելի վաղ ՌԴ Պաշտպանության նախարարությունը հաղորդել էր, որ ուկրաինական ուժերը հերթական անգամ թիրախավորել են Մոսկվան: Գերատեսչության տվյալներով՝ անօդաչուներ են արձակվել նաև Սևաստոպոլի ուղղությամբ:
Տեղեկացվել էր, որ ռուսական կողմն ընդհանուր առմամբ 13 անօդաչու թռչող սարք է խոցել:
