16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Չինաստանում արտահանման և ներմուծման զգալի անկում է նկատվում
Քաղաքականություն
10.08.2023 | 12:42
Չինական արտահանումը հուլիսին նվազել է ավելի քան 10 տոկոսով, ինչը մեծացնում է ճնշումը իշխող Կոմունիստական կուսակցության վրա՝ միջոցներ ձեռնարկելու տնտեսական անկումը հաղթահարելու համար: Մաքսային ծառայության տվյալներով՝ արտահանումը տարեկան կտրվածքով նվազել է 14,5%-ով՝ կազմելով 281,8 մլրդ դոլար, գրում է VOA-ն։
Ներմուծումը կրճատվել է 12,4%-ով և կազմել 201,2 մլրդ դոլար, ինչը վկայում է թույլ ներքին պահանջարկի մասին։
Չինաստանի առաջնորդները փորձում են աջակցել բիզնեսի և սպառողների ակտիվությանն այն բանից հետո, երբ աշխարհի երկրորդ տնտեսությունը 2023 թվականի երկրորդ եռամսյակում աճել է ընդամենը 0,8 տոկոսով՝ առաջինի համեմատ:
Չինաստանի Կոմունիստական կուսակցությունը խոստացել է միջոցներ ձեռնարկել ձեռներեցությանն աջակցելու և բնակարանների գնումն ու սպառողական ծախսերը խթանելու համար, սակայն չի հայտարարել լայնածավալ խթանման միջոցների կամ հարկերի կրճատման մասին։
