02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Գերմանիան Ուկրաինային 25 Leopard 1A5 տանկ կմատակարարի
Քաղաքականություն
10.08.2023 | 12:06
Գերմանիան Ուկրաինային 25 Leopard 1A5 տանկ, ևս 2 ուսումնական տանկ, նչպես նաև 5 միավոր զրահատեխնիկա կմատակարարի։ Այս մասին DW-ին հայտնել է Գերմանիայի ՊՆ պաշտոնական ներկայացուցիչը։ Այդ նպատակով Գերմանիան համապատասխան պայմանագիր է կնքել Rheinmetall կոնցեռնի հետ։ Պաշտոնյայի խոսքով՝ Գերմանիան Ուկրաինային Leopard 1A5 փոխանցման մասին հայտարարել էր հուլիսին Վիլնյուսում կայացած ՆԱՏՕ-ի գագաթնաժողովին։
Գերմանական Handelsblatt թերթը ավելի վաղ հայտնել էր, որ Rheinmetall-ը գնել է 50 Leopard 1 մոդել բելգիական OIP Land Systems ընկերությունից՝ հետագայում Ուկրաինա ուղարկելու համար: Վերանորոգումից և վերազինումից հետո Կիևը կկարողանա մոտ 30 տանկ ստանալ։
DW-ին էլ պաշտպանության նախարարության ներկայացուցիչը պարզաբանել է, որ գերատեսչությունը, որպես կանոն, չի հաստատում գերմանական պաշտպանական ընկերությունների կողմից երրորդ ընկերությունների հետ որևէ պայմանագրերի կնքումը։
