18.12.2025 | 23:24
ՀՀ տարածքում ավտոճանապարհները հիմնականում անցանելի են
Ստամբուլի ոստիկանությունը հատուկ գործողությամբ ձեռք է բերել ԻԼԻՊ-ի 10,000 անդամների տվյալներով գաղտնի արխիվը
Քաղաքականություն
09.08.2023 | 22:59
Թուրքիայի Ահաբեկչության և հետախուզության դեմ պայքարի ոստիկանության Ստամբուլի բաժանմունքը ԻԼԻՊ-ի հատուկ բջիջի դեմ հույժ գաղտնի գործողություն է իրականացրել, որին հետևել է ամիսներ շարունակ, գրում են թուրքական լրատվամիջոցները։
Նշվում է, որ գործողության ընթացքում ձեռք է բերվել ԻԼԻՊ-ի շուրջ 10,000 անդամների տվյալներով արխիվը։ Ըստ հրապարակման՝ ԱՄՆ-ի, Իսրայելի, Մեծ Բրիտանիայի, Իրանի գաղտնի ծառայությունները, իբր, տարիներ շարունակ լրտեսական գործունեություն են ծավալում ԻԼԻՊ-ի դեմ՝ հակահետախուզության և կազմակերպություն ներթափանցելու նպատակով։ Նրանց միակ առաքելությունն է եղել՝ վերցնել այն, ինչը 2019 թվականին սպանված ԻԼԻՊ-ի առաջնորդ Աբու Բաքր ալ-Բաղդադին տարիներ շարունակ խնամքով թաքցնում էր։
Մինչ Բաղդադիի սպանությունը՝ բեռը փոխանցվել է Աբու Իբրահիմ ալ-Հաշիմի ալ-Քուրայշիին, որը սպանվել է 2022 թվականի փետրվարին։ Նա որոշել է բեռի մեջ եղած հույժ գաղտնի արխիվը տեղափոխել այլ երկիր, որպեսզի այն չառգրավվի։
Բեռը, որը վաճառվել է Ուզբեկստանի խմբավորումներին, նախատեսված է եղել վաճառքի համար նաև արևմտյան հետախուզական գործակալություններին։ Հենց այստեղ էլ միջամտել են Ստամբուլի ոստիկանության բաժնի հետախուզության և ահաբեկչության դեմ պայքարի խմբերը։
Գործողության ընթացքում ձերբակալվել է 5 մարդ։
Էմմա Չոբանյան
