16.04.2026 | 23:27
Ինչ իրավիճակ է Հայաստանի ճանապարհներին և Լարսում
Թուրքիան ոսկու ներկրման հավելյալ վճարներ է սահմանում
Քաղաքականություն
08.08.2023 | 17:43
Թուրքիան 20 տոկոս հավելյալ վճար է սահմանել ոսկու ներմուծման համար։ Այս մասին ասվում է երկրի պաշտոնական տեղեկագրում հրապարակված հրամանում, գրում է Turkish Minute-ը։
Որոշման մեջ ասվում է, որ ոսկու ներմուծումն այն երկրներից, որոնք չունեն ազատ առևտրի համաձայնագիր և Եվրամիության մաս չեն կազմում, կգանձվի լրացուցիչ վճար՝ ի հավելումն ներմուծման համար գործող այլ տուրքերի: Այն վերաբերում է ներմուծվող ոսկյա զարդերին և դրանց մասերին, ինչպես նաև թանկարժեք մետաղներով պատված որոշ հիմնական մետաղական արտադրանքին։
Թուրքիայի ընթացիկ հաշվի դեֆիցիտը մեծացել է հիմնականում ոսկու և էներգակիրների ներմուծման շնորհիվ ու այս տարվա առաջին հինգ ամիսներին կազմել է 37,7 մլրդ դոլար։ Պետական լրատվամիջոցներն էլ հայտնում են, որ Թուրքիան ծրագրում է քվոտա սահմանել չմշակված ոսկու ներկրման համար։
Էմմա Չոբանյան
