Քաղաքականություն
08.08.2023 | 17:19
ԱՄՆ պետքարտուղարի առաջին տեղակալի պաշտոնակատար Վիկտորյա Նուլանդը, որն այժմ Նիգերում է՝ օգնելու դիվանագիտական ճանապարհով կարգավորել այդ երկրում իրավիճակը, նախօրեին երկու ժամ տևողությամբ հանդիպում է անցկացրել գեներալ Մուսա Սալայ Բարմուի և ապստամբներից երեք գնդապետների հետ։ Ավելի ուշ նա մամուլի ասուլիսում պատմել է, որ իր զրուցակիցներին մատնանշել է ռուսական «Վագներ» մասնավոր ռազմական խմբավորմանը Նիգեր հրավիրելու ռիսկերի մասին, գրում է DW-ի ռուսական ծառայությունը։
«Իհարկե, ես բարձրացրել եմ «Վագների» և նրա վտանգի մասին հարցը բոլոր երկրների համար, որտեղ նրանք ներկա եմ։ Հիշեցրել եմ, որ անվտանգությունը վատթարանում է, մարդու իրավունքների վիճակը վատթարանում է, երբ «Վագները» մտնում է երկիր»,- ասել է Նուլանդը։
Նրա խոսքով՝ իր մոտ տպավորություն է ստեղծվել, որ «այն մարդիկ, որոնք կատարել են այդ արարքները», հասկանում են իրենց ինքնիշխանության համար վտանգները, եթե «Վագներ»-ին երկիր հրավիրվեն։
Ինչ վերաբերում է պուտչիստների և ԱՄՆ-ի հարաբերությունների հեռանկարներին, Նուլանդը հիշեցրել է, որ գեներալ Բարմուն մի քանի տարի սերտորեն համագործակցել է ամերիկյան հատուկ ջոկատայինների հետ։
«Հետևաբար, մենք կարողացանք շատ մանրամասն խոսել մեր համագործակցության այն կողմերի մասին, որոնք պատմականորեն շատ էին անհանգստացնում նրան, ուստի հուսով ենք, որ նա դա կհասկանա»,- ասել է Նուլանդը։
Ըստ նրա՝ ԱՄՆ-ը նաև հանդիպում է խնդրել գահընկեց արված նախագահ Մուհամեդ Բազումի հետ, սակայն համաձայնություն չի ստացվել։ Նուլանդին հաջողվել է նրա հետ խոսել միայն հեռախոսով։
Հիշեցնենք, որ ապստամբները Նիգերում իշխանությունը գրավել են հուլիսի վերջին։
Էմմա Չոբանյան
