19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Լաչինի միջանցքն անհապաղ բացելու կոչին արձագանքը․ Բաքուն ՄԱԿ-ին մեղադրում է «մանիպուլյացիաների» մեջ
Քաղաքականություն
08.08.2023 | 13:29
Ադրբեջանի ԱԳՆ-ն արձագանքել է Բաքվի կողմից Լաչինի միջանցքի շարունակվող շրջափակման հետ կապված ՄԱԿ-ի մի խումբ փորձագետների ահազանգին՝ ՄԱԿ-ին մեղադրելով «քաղաքական մանիպուլյացիաների գործիքի վերածվելու մեջ»։
«ՄԱԿ-ի Մարդու իրավունքների խորհրդի որոշ հատուկ զեկուցողների և անկախ փորձագետների հայտարարություններն Ադրբեջանի կողմից Լաչինի միջանցքի շրջափակման և Լեռնային Ղարաբաղի տարածաշրջանում լարված հումանիտար իրավիճակի ստեղծման մասին ցավալի են և խոսում են ՄԱԿ-ի մարմինները քաղաքական մանիպուլյացիայի գործիքի վերածելու փորձերի մասին»,- ասվում է հայտարարության մեջ։
Ադրբեջանն անընդունելի է համարել, որ օգտագործվել է Լեռնային Ղարաբաղ արտահայտությունը, միջազգային կառոույցին մեղադրել, իբր, «Ադրբեջանի ներքին գործերին խառնվելու և երկրի ինքնիշխանությունն ու տարածքային ամբողջականությունը չհարգելու», ինչպես նաև «խաղաղության ջանքերին վնասելու մեջ»։
Բացի այդ, Բաքուն կրկին փորձել է լեգիտիմացնել Լաչինի միջացքում ապօրինի տեղադրված անցակետն ու Հայաստանին մեղադրել «սադրանքների» մեջ։
Էմմա Չոբանյան
