18.02.2026 | 23:28
Ստեփանծմինդա-Լարս ավտոճանապարհը փակ է
ԱՄՆ Պետդեպը՝ Հայաստան-Ադրբեջան խաղաղության պայմանագրի վերաբերյալ ՌԴ ԱԳՆ-ի հայտարարության մասին
Քաղաքականություն
08.08.2023 | 11:39
ԱՄՆ Պետքարտուղարության մամուլի խոսնակ Մեթյու Միլլերը նախօրեի ճեպազրույցում անդրադարձել է Հայաստանի և Ադրբեջանի միջև խաղաղության համաձայնագրին վերաբերող հարցին։ Լրագրողը հետաքրքրվել է՝ արդյո՞ք որ ժամանակը չէ, որ Արևմուտքը կոչով դիմի Ռուսաստանին խաղաղություն հաստատելու ջանքերը խաթարելու հարցով։ Նա մատնանշել է ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարի հայտարարությունը, թե Հայաստանի և Ադրբեջանի միջև խաղաղության համաձայնագրի հապճեպ ստորագրումը խաղաղություն չի բերի տարածաշրջան՝ նոր հակամարտությունների և ողբերգությունների պատճառ դառնալով։
«Ես չեմ ուզում խոսել Ռուսաստանի մասին, երբ խոսքը վերաբերում է Հայաստանին և Ադրբեջանին: Ես ցանկանում եմ խոսել այս վեճի անմիջական կողմեր հանդիսացող երկու երկրների մասին։ Մենք ուղղակի ներգրավված ենք այդ երկրների հետ։ Հատուկ բանագնաց Բոնոն անցած շաբաթ մեկնել էր տարածաշրջան և անմիջականորեն շփվել նրանց հետ: Մենք հավատում ենք, որ չնայած այս հարցում կողմ չհանդիսացող այլ երկրների մեկնաբանություններին, համաձայնությունը մնում է հասանելիության շրջանակում և մենք կշարունակենք աշխատել նրանց հետ՝ դրան հասնելու համար»,-ասել է Միլլերը։
Անդրադառնալով պետքարտուղար Էնթոնի Բլինքենի ու Թուրքիայի ԱԳ նախարար Հաքան Ֆիդանի հեռախոսազրույցին, որում արծարծվել է նաև Հայաստան-Ադրբեջան կարգավորման թեման՝ Միլլերն ասել է, որ չի ցանկանում դրա մանրամասներից խոսել։
«Այն մասնավոր դիվանագիտական խոսակցություն է, բացի ասելուց, որ մենք հավատում ենք, որ Թուրքիան կարող է արդյունավետ դերակատարում ունենալ այս հարցում»,- մասնավորապես, նշել է Պետդեպի խոսնակը։
