16.05.2026 | 13:33
Ալիևի հետ պայմանավորվեք, գրավոր տպեք, ցույց տվեք, որն է խաղաղությունը. Գագիկ Ծառուկյան․ ՏԵՍԱՆՅՈՒԹ
Վրաստանի Շովի առողջարանային քաղաքում գրանցված սողանքի փաստով գործ է հարուցվել
Քաղաքականություն
07.08.2023 | 16:21
Վրաստանի ՆԳ նախարարությունը քրեական գործ է հարուցել Շովի առողջարանային քաղաքում տեղի ունեցած սողանքի առնչությամբ, որը 18 մարդու կյանք է խլել։ Այս մասին հայտնել է ՆԳՆ արտակարգ իրավիճակների կառավարման ծառայության պետ Թեյմուրազ Մղեբրիշվիլին, գրում է Գրուզիա օնլայնը։
«Դեպքի առաջին իսկ րոպեներից քրեական հետաքննություն է սկսվել, գործը հարուցվել է երկու հոդվածով, սակայն նախաքննության ընթացքում հոդվածները կարող են վերաորակվել»,- ասել է նա։
Մղեբրիշվիլին մանրամասնել է, որ գործը հարուցվել է հանքարդյունաբերության, շինարարության կամ այլ աշխատանքների ժամանակ անզգուշությամբ մահ պատճառելու և անվտանգության կանոնների խախտման փաստերով (Վրաստանի Քրեական օրենսգրքի 116 և 240 հոդվածներ)։
Հիշեցնենք, որ օգոստոսի 3-ին Շովիում խոշոր սողանք է տեղի ունեցել, որի հետևանքով 18 մարդ է զոհվել, ևս 16-ն անհետ կորել են։ Վնասվել են կամուրջներ, ճանապարհներ, զբոսաշրջային քոթեջներ և Sunset Shovi հյուրանոցը։
Նախնական տվյալներով՝ ավելի քան հինգ միլիոն խ/մ հող է իջել սարերից։
Օգոստոսի 7-ը երկրում հայտարարված է սգո օր։
