19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ստրասբուրգում ադրբեջանցիները բողոքի ակցիա են անցկացրել՝ պահանջելով Ադրբեջանում դադարեցնել բռնաճնշումները
Քաղաքականություն
07.08.2023 | 17:48
Եվրոպայում ադրբեջանցի քաղբանտարկյալների կազմակերպությունը՝ ՝AND-ն, Ստրասբուրգի կենտրոնական հրապակարում բողոքի ակցիա է անցկացրել՝ պահանջով ազատ արձակել Ադրբեջանի քաղաքական բանտարկյալներին ու դադարեցնել բռնաճնշումները երկրում։ Ցուցարարները բարձրացրել են Ադրբեջանում քաղբանտարկյալների, այդ թվում՝ անցյալ ամիս ձերբակալված ընդդիմադիր «Ժողովրդավարություն և բարգավաճում» կուսակցության ղեկավար Գուբադ Իբադօղլուի լուսանկարները, գրում են ադրբեջանական աղբյուրները։
AND շարժման առաջնորդ Գանիմատ Զահիդի խոսքով՝ «Ադրբեջանում բռնաճնշումները չեն դադարում»։
«Վերջին շրջանում բռնաճնշումների նոր ալիք է բարձրացել։ Գրեթե ամեն օր տեղեկություններ ենք ստանում ոստիկանություն կանչերի, կալանավորումների, ձերբակալությունների, շինծու մեղադրանքներով նոր հավանական անձանց բանտարկության մասին։ Ադրբեջանական հանրության մոտ զայրույթ առաջացնող դեպքերից մեկը հայտնի գիտնական-տնտեսագետ Գուբադ Իբադօղլուի կալանավորումն է, որը նաև երկրի ամենավառ ընդդիմադիր քաղաքական գործիչներից է»,- ասել է Զահիդը։
Քաղէմիգրանտ «Ազադլըք» թերթի խմբագիր Ռահիմ Հաջիևի խոսքով էլ՝ Իբադօղլուի կալանքն առաջացրել է առաջադեմ հանրության վրդովմունքը։
«Գուբադ Իբադօղլուն կալանավորվել է կոռուպցիայի փաստերը բացահայտելու համար»,- ասել է Հաջիևը։
Ցույցի մասնակիցները նաև կոչ են արել Ադրբեջանում բռնաճնշումների դեմ բողոքի ակցիաներ կազմակերպել եվրոպական այլ քաղաքներում։
Հավելենք, որ ադրբեջանցի իրավապաշտպանների վերջին տվյալներով՝ երկրում 204 քաղաքական բանտարկյալ կա։
Էմմա Չոբանյան
