16.05.2026 | 13:33
Ալիևի հետ պայմանավորվեք, գրավոր տպեք, ցույց տվեք, որն է խաղաղությունը. Գագիկ Ծառուկյան․ ՏԵՍԱՆՅՈՒԹ
Կիևի դաշնակիցները Սաուդյան Արաբիայում բանակցություններում Չինաստանի ազդանշանները կառուցողական են անվանում․ FT
Քաղաքականություն
07.08.2023 | 13:03
Համաշխարհային մամուլը շարունակում է քննարկել Չինաստանի մասնակցությունը Ուկրաինայի հարցով բանակցություններին, որոնք տեղի են ունեցել Սաուդյան Արաբիայում։ Հանդիպմանը մասնակցել է Չինաստանի կառավարության Եվրասիայի հարցերով հատուկ ներկայացուցիչ Լի Հուեյը, որի մի քանի շաբաթ առաջ հրաժարվել էր մասնակցել Կոպենհագենում կայացած բանակցությունների առաջին փուլին։ Սա դարձել է Ջիդդայի գագաթնաժողովի մասնակիցների համար գլխավոր իրադարձությունը, գրում է Financial Times-ը, որին վկայակոչում է BBC-ի ռուսական ծառայությունը։
Ուկրաինայի իշխանություններն ավելի վաղ նրա ժամանումն անվանել էին նշանակալի բեկում։ Եվրոպացի պաշտոնյաները, որոնց հետ զրուցել է լրատվամիջոցը, հայտարարել են, որ Չինաստանի ներկայացուցչի մասնակցությունը «ցույց է տալիս, որ Ռուսաստանը գնալով ավելի ու ավելի է մեկուսացվում»:
Նրանք Չինաստանի ներկայացուցչի դիրքորոշումը բանակցություններում անվանել են կառուցողական ու նշել, որ Չինաստանը ցուցաբերել է պատրաստակամություն՝ հետագայում նույնպես մասնակցել Ուկրաինայի հարցով միջազգային բանակցություններին։
Պաշտոնական Պեկինը, սակայն, Սաուդյան Արաբիայում հանդիպումն առայժմ չի մեկնաբանել։
Էմմա Չոբանյան
