17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Լեհաստանն ու Լիտվան պայմանավորվել են Բելառուսի հետ սահմանային անցակետերի հնարավոր փակման շուրջ
Քաղաքականություն
04.08.2023 | 18:00
Լեհաստանի և Լիտվայի ՆԳ նախարարները հեռախոսազրույցում քննարկել են Բելառուսի սպառնալիքներին արձագանքելու հնարավոր միջոցները: X սոցիալական ցանցում (նախկին Twitter) այս մասին հայտնել է Լեհաստանի ՆԳ նախարար Մարիուշ Կամինսկին։
«Լիտվայի ներքին գործերի նախարարի հետ հեռախոսազրույցում մենք սահմանել ենք Բելառուսից առաջացող սպառնալիքներին արձագանքելու ընդհանուր սխեմաներ՝ ընդհուպ մինչև բոլոր սահմանային անցումների հնարավոր փակումը և Լուկաշենկոյի ռեժիմի լիակատար մեկուսացումը»,- ասել է Կամինսկին։
Ավելի վաղ Լեհաստանում իշխող «Իրավունք և արդարություն» կուսակցության նախագահ Յարոսլավ Կաչինսկին հայտարարել էր, որ երկիրն ամրացնում է Բելառուսի հետ սահմանը՝ այնտեղ «Վագներ» խմբավորման գրոհայինների առկայության պատճառով։ Նրա խոսքով՝ սահմանի ամրապնդումը «շատ լուրջ» է լինելու։
Բացի այդ, երեքշաբթի Լեհաստանի ԱԳՆ-ն հայտնել էր, որ բելառուսական երկու ուղղաթիռներ խախտել են երկրի օդային տարածքը։
