24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ռուսաստանը բազմաթիվ նավեր է դուրս բերել Սև ծով. Գումենյուկ
Քաղաքականություն
04.08.2023 | 16:58
Ռուսական բանակը Սև ծովում մեծ ռազմածովային խումբ է տեղակայում, ենթադրաբար, սադրանքներ են նախապատրաստվում։ Այս մասին հայտարարել է Ուկրանիայի Հարավային պաշտպանության ուժերի համատեղ համակարգող մամուլի կենտրոնի ղեկավար Նատալյա Գումենյուկը, փոխանցում է Korrespondent-ը։
«Հակառակորդը տեղակայում է նավերի մեծ խմբավորում։ Իսկապես, մեծ թվով նավեր են, 15 միավոր՝ Սև ծովում, մեկը՝ Ազովի ծովում», – նշել է նա։
Գումենյուկն ընդգծել է, որ, ամենայն հավանականությամբ, հակառակորդը պատրաստվում է սադրանքների և փորձում է ցրել նավերի կազմը, որպեսզի դրանք մեկ տեղում կուտակված չլինեն։ Բացի այդ, հերթապահում է մեկ ստորջրյա հրթիռակիր:
«Իրենց խմբավորումը կենտրոնացրել են Կերչի նեղուցի շրջանում, որպեսզի դիտարկման շրջաններ ստեղծեն՝ ահաբեկելու քաղաքացիական նավարկությունը հավելյալ միջոցառումներով»,- ասել է Գումենյուկը։
