17.12.2025 | 22:03
Երևանում Opel մակնիշի ավտոմեքենա է այրվել
ՌԴ ՊՆ-ի պնդմամբ՝ Նովոռոսիյսկ քաղաքը ծովային դրոնների հարձակման է ենթարկվել
Քաղաքականություն
04.08.2023 | 11:03
Ռուսաստանի պաշտպանության նախարարությունը պաշտոնապես հայտարարել է Նովոռոսիյսկում ռազմածովային անօդաչու թռչող սարքերի հարձակման մասին։
BBC-ի ռուսական ծառայության փոխանցմամբ՝ նախարարությունը հայտնել է, որ ուրբաթ գիշեր ուկրաինական երկու անօդաչու նավակ հարձակում է գործել ռուսական ռազմածովային բազայի վրա։
«Հարձակումը հետ մղելու ընթացքում անօդաչու նավակները տեսողականորեն հայտնաբերվել և ոչնչացվել են ռուսական նավերի ստանդարտ զինատեսակներից, որոնք հսկում են ռազմածովային բազայի արտաքին սահմանը»,- ասվում է նախարարության հայտարարության մեջ։
Նովոռոսիյսկ նավահանգստում, որի մոտ, ըստ տեղի բնակիչների, կրակոցներ են լսվել և որոտացել է առնվազն մեկ պայթյուն, ուրբաթ առավոտյան նավերի տեղաշարժի ժամանակավոր արգելք է մտցվել։ Այս մասին հայտնում է ռուսական «Ինտերֆաքս» գործակալությունը:
