15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
Չինաստանը փոխում է իր վերաբերմունքն ուկրաինական պատերազմի նկատմամբ․ WSJ
Քաղաքականություն
03.08.2023 | 22:48
Չինաստանի դիրքորոշումն ուկրաինական պատերազմի վերաբերյալ, ամենայն հավանականությամբ, կփոխվի. երկրի պատվիրակությունը կարող է միանալ Սաուդյան Արաբիայում կայանալիք գագաթնաժողովին։ Այս մասին գրում է The Wall Street Journal-ը։
Նշվում է, որ Չինաստանն ավելի ու ավելի է բախվում ուկրաինական պատերազմի հետևանքով առաջացած ռիսկերին։ Թեև, մյուս կողմից, Պեկինը դեռ փորձում է պահպանել չեզոքությունն ու լուռ աջակցությունը Ռուսաստանին։
Չինաստանի համար վերջին խնդիրը հացահատիկային գործարքից Ռուսաստանի դուրս գալն էր, քանի որ Պեկինը ուկրաինական գյուղմթերքի ամենախոշոր գնորդներից էր։ Բացի այդ, «Վագներ» ռազմականացված խմբավորման ղեկավար Եվգենի Պրիգոժինի ապստամբության փորձը Չինաստանում նոր հարցեր է առաջացրել Վլադիմիր Պուտինի իշխանության կայունության վերաբերյալ։
Հրապարակման համաձայն՝ Չինաստանի հռետորաբանությունը փոխվում է և, ամենայն հավանականությամբ, նա համաձայնում է դիտարկել ուկրաինական խաղաղության բանաձևը՝ պատերազմը լուծելու համար։ Պեկինը կարող է իր պատվիրակությունն ուղարկել Սաուդյան Արաբիայում կայանալիք գագաթնաժողովին, որտեղ կքննարկվեն այդ հարցերը։
Հիշեցնենք, որ այսօր հայտնի դարձավ, որ Հնդկաստանը ևս մասնակցելու է Սաուդյան Արաբիայում Ուկրաինայի հարցով խաղաղ բանակցություններին։
