16.12.2025 | 11:24
ՀԿԿ նախագահը մասնակցում է ՄԱԿ-ի Կոռուպցիայի դեմ կոնվենցիայի մասնակից պետությունների 11-րդ համաժողովին
Լուիս Բոնոն Բաքվում Բայրամովի հետ քննարկել է Հայաստան-Ադրբեջան խաղաղության գործընթացն ու տարածաշրջանում իրավիճակը
Քաղաքականություն
03.08.2023 | 17:34
Ադրբեջանի ԱԳ նախարար Ջեյհուն Բայրամովը Բաքվում ընդունել է ԱՄՆ Պետքարտուղարության Կովկասյան բանակցությունների գծով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին։
Ադրբեջանի ԱԳՆ-ի հաղորդմամբ՝ քննարկվել են Ադրբեջանի և Հայաստանի միջև խաղաղության գործընթացը, բանակցությունների ներկա վիճակն ու հեռանկարները, տարածաշրջանում առկա իրավիճակը։
Բայրամովը կրկին հայտարարել է, թե Հայաստանը, իբր, «զինված ուժեր ունի Արցախում, հավակնություններ Ադրբեջանի տարածքային ամբողջականության և ինքնիշխանության նկատմամբ, խոչընդոտում է հաղորդակցությունների բացմանը, չի ծառայում տարածաշրջանում խաղաղությանն ու կայունությանը»։
Ադրբեջանի ԱԳ նախարարը Հայաստանին նաև «սադրանքների» մեջ է մեղադրել, ինչպես նաև կրկնել ադրբեջանական կեղծ թեզը, թե Արցախը շրջափակված չէ Բաքվից կողմից և Լաչինի միջանցքում տեղադրված անցակետն ապօրինի չէ։ Նա նաև կրկին առաջարկել է Արցախ օգնություն հասցնելու համար օգտագործել Աղդամի ճանապարհը։
Հիշեցնենք, որ Լուիս Բոնոն ավելի վաղ բանակցություններ էր անցկացրել Հայաստանում։
Էմմա Չոբանյան
