26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանի ՄԻՊ-ն այցելել է Բաքվի կողմից առևանգված Վագիֆ Խաչատրյանին․ ադրբեջանական կողմը նրա լուսանկարն է հրապարակել
Քաղաքականություն
03.08.2023 | 13:14
Ադրբեջանի մարդու իրավունքների պաշտպան Սաբինա Ալիևան այցելել է Լաչինի միջանցքում առևանգված 68-ամյա Վագիֆ Խաչատրյանին։ Ադրբեջանի ՄԻՊ գրասենյակի հաղորդմամբ՝ «Վագիֆ Խաչատրյանը նշել է, որ գոհ է իր նկատմամբ վերաբերմունքից, մատուցվող որակյալ բուժօգնությունից՝ հավելելով, որ առողջական վիճակում դրական փոփոխություններ են տեղի ունեցել»։
Նշվում է, որ այցի ընթացքում ձեռք բերված տեղեկությունները, տեսանյութերը և լուսանկարներն ուղարկվել են նաև համապատասխան միջազգային կառույցներին։
Հատկանշական է, որ Ադրբեջանի ՄԻՊ-ն այցելում է Խաչատրյանին ՄԻԵԴ-ի որոշումից հետո։
Հիշեցնենք, որ Հայաստանը դիմում էր ներկայացրել Մարդու իրավունքների եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով։ ՄԻԵԴ-ը որոշում է կայացրել Ադրբեջանին մինչև օգոստոսի 8-ը ժամանակ տրամադրել՝ Վագիֆ Խաչատրյանի վերաբերյալ տեղեկատվություն տրամադրելու համար:
Հավելենք, որ Ադրբեջանը Լաչինի միջանցքում առևանգել էր բուժման նպատակով Կարմիր Խաչի ուղեկցությամբ Արցախից Հայաստան տեղափոխվող Վագիֆ Խաչատրյանին։
Էմմա Չոբանյան
