16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ԱՄՆ-ը և Չինաստանը մեկ տարվա ընթացքում առաջին անգամ քննարկել են պաշտպանական հարաբերությունները
Քաղաքականություն
03.08.2023 | 17:08
ԱՄՆ-ն և Չինաստանը Պենտագոնի և Չինաստանի ԱԳ նախարարության մակարդակով քննարկել են երկկողմ պաշտպանական հարաբերությունները՝ ավելի քան մեկ տարվա ընթացքում առաջին անգամ։ Այս մասին հայտնում է Reuters-ը։
Բանակցությունները տեղի են ունեցել Վաշինգտոնում։ Դրանց մասնակցել են ԱՄՆ պաշտպանության նախարարի հնդկա-խաղաղօվկիանոսյան անվտանգության հարցերով օգնական Էլի Ռաթները և Չինաստանի ԱԳ նախարարության Հյուսիսային Ամերիկայի և Օվկիանիայի դեպարտամենտի տնօրեն Յանգ Տաոն։
«Պետքարտուղարի օգնական Ռաթները և տնօրեն Յանգը քննարկել են ԱՄՆ-Չինաստան պաշտպանական հարաբերությունները և տարածաշրջանային անվտանգության հարցեր»,- ասել է Պենտագոնի ներկայացուցիչը։
Հանդիպմանը հայտարարվել է ամերիկյան և չինացի զինվորականների միջև կապի բաց գծերը պահպանելու՝ ԱՄՆ-ի պատրաստակամության մասին։
Չինական կողմը դեռևս չի հայտնել ազգային անվտանգության բարձրաստիճան պաշտոնյաների հանդիպման մասին։
