15.09.2026 | 23:00
Թրամփը հայտարարել է, որ TRIPP-ը մեծ առավելություն է տալիս Թեհրանի հետ հարաբերություններում․ The Hill
Լեհաստանը ԵՄ-ից 1 միլիարդ եվրո է խնդրում Ուկրաինայից հացահատիկի արտահանման համար
Քաղաքականություն
04.08.2023 | 21:21
Վարշավան Եվրահանձնաժողովին է ներկայացրել Ուկրաինայից Լեհաստանի տարածքով հացահատիկի և գյուղատնտեսական այլ ապրանքների արտահանումն ավելացնելու համար անհրաժեշտ ներդրումների գնահատականները։ Ըստ լեհական PAP լրատվական գործակալության, որը ծանոթացել է համապատասխան փաստաթղթերին, ընդհանուր ներդրումները կազմում են 1 մլրդ եվրո, գրում է DW-ի ռուսական ծառայությունը։
Միևնույն ժամանակ, 500 մլն է անհրաժեշտ՝ Դորոգուսկ-Յագոդզին, Գրեբեն-Ռավա Ռուսկա, Կորչովա-Կրակովեց անցակետերում ծանր տրանսպորտային միջոցների սահմանային տերմինալների ընդլայնման, ինչպես նաև լեհ-ուկրաինական սահմանի Պշեմիսլում երկաթուղային ենթակառուցվածքի բարելավման համար։
Գումարի երկրորդ կեսը պետք է ուղղվի Լեհաստանի և Ուկրաինայի միջև երկաթուղային սահմանային անցումների արդիականացմանը, բեռնատարների համար տերմինալների կառուցմանը և սահմանին բեռնափոխադրումների կառավարման ենթակառուցվածքի ստեղծմանը։ Այս տեղեկությունը PAP-ին տված հարցազրույցում հաստատել է ԵՄ-ում Լեհաստանի մշտական ներկայացուցիչ Անջեյ Սադոշը։
