21.04.2026 | 10:10
Հրդեհ ավտոմեքենայում․ կա տուժած
Սա կորսված պահ է, իսկ ընդդիմության շահարկումներն անընդունելի են․ Դավիթ Տոնոյան. ՏԵՍԱՆՅՈՒԹ
Հասարակություն
02.08.2023 | 11:34
44-օրյա պատերազմի հանգամանքներն ուսումնասիրող Ազգային ժողովի քննիչ հանձնաժողովում այսօր պաշտպանության նախկին նախարար Դավիթ Տոնոյանն շարունակում է պատասխանել պատգամավորների հարցերին։
Նիստի մեկնարկին հանձնաժողովի նախագահ Անդրանիկ Քոչարյանը հայտարարեց, որ աշխատանքն այսօր հիմնականում փակ ձևաչափով՝ չլուսաբանվող է լինելու։ Տոնոյանն էլ առաջարկեց միանգամից անցնել փակ ռեժիմի։
Մինչ այդ պաշտպանության նախկին նախարար նկատեց, որ հանձնաժողովի կազմը չի փոխվել, այսինքն՝ ընդդիմության ներկայացուցիչները չեն մասնակցում նիստին, և հայտարարեց, որ ընդդիմության համար նիստին չմասնակցելը կորսված պահ է։
«Ես գտնում եմ, որ սա իրականում պաշտպանության և անվտանգության հետ կապված հարցերում կորսված պահ է։ Ամեն դեպքում սա իմ գնահատականն է, ինչպիսինն էլ որ շահարկումները շարունակեն լինել ընդդիմադիրների կողմից, որոնք, հիմա բաց ասում եմ՝ ինձ համար անընդունելի են», – նիստի հրապարակային հատվածում հայտարարեց Տոնոյանը։
Նշենք, որ երեկվա նիստի մեկնարկին պաշտպանության նախկին նախարարն առաջարկել էր առհասարակ հանձնաժողովի աշխատանքները բոյկոտած խորհրդարանական ընդդիմությանը, մասնավորապես, ՀՅ Դաշնակցության և ՀՀԿ ներկայացուցիչներին, մասնակցել գոնե փակ նիստին՝ պարզաբանելով․ «Կարծում եմ, որ շարունակելու են իրենց գործունեությունը քաղաքական դաշտում, կարծում եմ, որ անվտանգության ու պաշտպանության կազմակերպման հարցերում իրենց՝ իմ կողմից տրամադրվող տեղեկությունը հետագա իրենց որոշումների համար կարևոր է։ Հակառակ դեպքում ես կխնդրեի նույն կուսակցության ներկայացուցիչներին այլևս չարտահայտվել հրապարակային՝ առնվազն իմ գործունեության հետ կապված հարցերի վերաբերյալ»։
Մանրամասները՝ տեսանյութում։
