15.09.2026 | 23:14
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ ԱԳՆ-ից խոսել են ԵՏՄ-ի և «Մեկ գոտի՝ մեկ ճանապարհ» չինական նախագծի կապի մասին
Քաղաքականություն
02.08.2023 | 20:27
Ամրապնդվում է ԵՏՄ զարգացման պլանների և «Մեկ գոտի՝ մեկ ճանապարհ» չինական նախաձեռնության զուգակցման միտումը։ ՌԻԱ Նովոստիին տված հարցազրույցում այս մասին ասել է ՌԴ ԱԳՆ ԱՊՀ երկրների առաջին վարչության տնօրեն Միքայել Աղասանդյանը։
«Մենք մշտական ուշադրություն ենք դարձնում ԵՏՄ-ի և Չինաստանի միջև երկխոսության առաջանցիկ զարգացմանը, այդ թվում՝ միության զարգացման ծրագրերի և չինական «Մեկ գոտի՝ մեկ ճանապարհ» նախաձեռնության հետ կապելու առումով»,- ասել է Աղասանդյանը։
Նա նշել է, որ դաշինքի փոխգործակցությունը Պեկինի հետ հիմնված է ԵՏՄ-ի և Չինաստանի միջև առևտրատնտեսական համագործակցության մասին համաձայնագրի վրա, որն ուժի մեջ է մտել 2019 թվականին, որում «սահմանվել է ոլորտային համագործակցության, մաքսային վարչարարության, մրցակցության, տեխնիկական կանոնակարգման, սանիտարական և բուսասանիտարական միջոցառումների, մտավոր սեփականության իրավունքների պաշտպանության, էլեկտրոնային առևտրի, պետական գնումների, ինչպես նաև ներքին շուկայի պաշտպանության միջոցառումներ»։
«Ձեռք բերված պայմանավորվածությունները կյանքի կոչելու նպատակով ստեղծվել է համատեղ հանձնաժողով։ Այս տարվա փետրվարին հերթական հանդիպմանը ստորագրվել է միության և Չինաստանի միջև առևտրատնտեսական համագործակցության զարգացման պլանը (ճանապարհային քարտեզը)»,- հիշեցրել է ՌԴ ԱԳՆ պաշտոնյան։
