24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
ՄԻՊ-ը պանելային քննարկմանը ներկայացրել է ՀՀ տեղափոխվող 68-ամյա տղամարդուն Ադրբեջանի կողմից առևանգման առնչությամբ իրականացվող աշխատանքները
Քաղաքականություն
01.08.2023 | 20:56
Մարդու իրավունքների պաշտպան Անահիտ Մանասյանը «Երիտասարդների կողմից՝ երիտասարդների համար» ազգային երիտասարդական համաժողովի շրջանակում այսօր՝ օգոստոսի 1-ին, մասնակցել է պանելային քննարկման։
Ողջունելով մասնակիցներին՝ Անահիտ Մանասյանն անդրադարձել է մարդու իրավունքների պաշտպանության վիճակին, ՄԻՊ հաստատության առաջնահերթություններին, կառույցի կողմից մարդու իրավունքների պաշտպանության ուղղությամբ իրականացվող աշխատանքներին։
Պաշտպանը կարևորել է միասնականության գաղափարը և ցանկացած խնդրին պրոֆեսիոնալ մոտենալու անհրաժեշտությունը։
«Ցանկացած խնդրի լուծման համար մեկ դերակատարի աշխատանքը բավարար չէ։ Բացի դրանից՝ դրական արդյունքի հասնելու համար անհրաժեշտ է լինել ծայրահեղ պրոֆեսիոնալ։ Միշտ չէ, երբ բոլորն ունեն միևնույն տեսակետը։ Սակայն տեսակետների տարբերությունը երբեք չպետք է վնասի ընդհանուր շահերին։ Այս համատեքստում առաջնային է աշխատանքին պորֆեսիոնալ մոտեցումն ու համախմբվածությունը»,- նշել է Անահիտ Մանասյանը։
Պաշտպանն իր խոսքում անդրադարձել է Լաչինի միջանցքի արգելափակման հետևանքով առաջացած հումանիտար իրավիճակին, ներկայացրել բուժման նպատակով Հայաստան տեղափոխվող 68-ամյա տղամարդուն Ադրբեջանի կողմից առևանգման առնչությամբ իրականացվող աշխատանքները, այդ թվում՝ միջազգային գործընկերների հետ։
Անահիտ Մանասյանը պատասխանել է նաև երիտասարդների հարցերին, որոնք վերաբերել են պետական շահի և մարդու իրավունքների պաշտպանությանը։
Ազգային երիտասարդական եռօրյա համաժողովին մասնակցում են 18-35 տարեկան սփյուռքահայ երիտասարդներ՝ համայնքային, իրավական, գիտական, կրթական, մշակութային և այլ շրջանակներից։ Այն անցկացվում է ինտերակտիվ և ներառական ձևաչափով։
