23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Իրանում աննախադեպ շոգի պատճառով երկու լրացուցիչ հանգստյան օր է հայտարարվել
Քաղաքականություն
01.08.2023 | 22:35
Իրանում աննախադեպ շոգի պատճառով չորեքշաբթին և հինգշաբթին հայտարարվել են հանգստյան օրեր, տարեցներին և առողջական խնդիրներ ունեցող մարդկանց կոչ է արվել մնալ տանը։ Այս մասին հաղորդում են իրանական պետական լրատվամիջոցները, գրում է Reuters-ը։
Իրանի հարավային շատ քաղաքներ արդեն տուժել են աննախադեպ շոգից։ Հարավային Ահվազ քաղաքում ջերմաստիճանը գերազանցել է 51°C-ը:
Կառավարության խոսնակ Ալի Բահադուրի Ջահրոմին ասել է, որ չորեքշաբթին և հինգշաբթին հանգստյան օրեր են լինելու, Առողջապահության նախարարությունն իր հերթին հայտնել է, որ հիվանդանոցները բարձր պատրաստվածության են բերվելու:
Սպասվում է, որ մայրաքաղաք Թեհրանում չորեքշաբթի ջերմաստիճանը հասնելու է 39°C-ի։
Էմմա Չոբանյան
