16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
ՌԴ ԶՈՒ-ի գլխավոր շտաբի պետն այցելել է ռազմաճակատ
Քաղաքականություն
01.08.2023 | 18:21
ՌԴ ԶՈՒ-ի Գլխավոր շտաբի պետ Վալերի Գերասիմովն այցելել է Զապորոժիեի շրջանի առաջնագիծ, հայտնել է Ռուսաստանի պաշտպանական գերատեսչությունը, գրում է BBC-ի ռուսական ծառայությունը։
Հաղորդագրության մեջ նշվում է, որ Գերասիմովը զննել է Զապորոժիեի ուղղությամբ հրամանատարական կետը։
«Հրամանատարական կետում ԳՇ պետը լսել է խմբավորման ղեկավար, գեներալ-գնդապետ Ալեքսանդր Ռոմանչուկի զեկույցը ստեղծված իրավիճակի մասին, հակառակորդի գործողությունների բնույթի և ռուսական զորքերի կողմից մարտական առաջադրանքների կատարման վերաբերյալ Օրեխովսկու մարտավարական ուղղության շրջանում»,- ասվում է հաղորդագրության մեջ։
ՌԴ ՊՆ-ն հավելում է, որ ստուգման ընթացքում Գերասիմովը «ուշադրություն է հրավիրել հակառակորդի ժամանակին բացահայտմանը, կանխարգելիչ հարվածներ հասցնելուն և հակամարտկոցային մարտեր վարելուն»։
Գերասիմովն այս տարվա հունվարին էր նշանակվել Ուկրաինայում ռուսական ուժերի միացյալ խմբի հրամանատար։
Հավելենք, որ ՌԴ-ում Գերասիմովին շատ են քննադատում և հաճախ մեղադրում ռազմաճակատում անհաջողությունների համար։
