24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
Իրանը, Ուզբեկստանը և Թուրքմենստանը միջազգային տրանսպորտային միջանցք կստեղծեն
Քաղաքականություն
01.08.2023 | 16:28
Ուզբեկստանը, Թուրքմենստանը և Իրանը մտադիր են համատեղ միջազգային տրանսպորտային միջանցք ստեղծել։ Այս մասին քննարկվել է երեք երկրների համապատասխան գերատեսչությունների ներկայացուցիչների միջև տեղի ունեցած բանակցություններում, EADaily-իի փոխանցմամբ՝ հայտնել է Ուզբեկստանի Տրանսպորտի նախարարության մամուլի ծառայությունը։
Ըստ հաղորդագրության՝ բանակցություններն անցել են տեսակոնֆերանսի ձևաչափով։ Քննարկվել են Ուզբեկստանի, Թուրքմենստանի և Իրանի կառավարությունների միջև միջազգային տրանսպորտային միջանցքի կազմակերպման մասին համաձայնագրի ստորագրման արագացման հարցերը, Իրանի տարածքով միջազգային ավտոմոբիլային տրանսպորտի վճարների նվազեցման, Բանդար Աբասի և Չաբահորի նավահանգիստները բեռների արտահանման և ներմուծման համար օգտագործման հնարավորությունը։
Հաղորդվում է նաև, որ կողմերը մտադիր են Ուզբեկստան-Աֆղանստան-Իրան երթուղու երկայնքով միջազգային տրանսպորտային միջանցք զարգացնել։
