09.09.2026 | 11:42
Ծովինար Վարդանյանը՝ ԱԺ ֆինանսավարկային և բյուջետային հարցերի մշտական հանձնաժողովի փոխնախագահ
Տոնոյանն ընդդիմությանը կոչ արեց մասնակցել առնվազն փակ նիստին, հակառակ դեպքում չխոսել իր մասին. ՏԵՍԱՆՅՈՒԹ
Քաղաքականություն
01.08.2023 | 11:35
Դատարանը բավարարել է պաշտպանության նախկին նախարար Դավիթ Տոնոյանի միջնորդությունը` օգոստոսի 1-ին և 2-ին մասնակցել հանձնաժողովի նիստերին։
Ազգային ժողովում մեկնարկել է 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստը՝ պաշտպանության նախկին նախարար Դավիթ Տոնոյանի մասնակցությամբ։ Պաշտպանության նախկին նախարարը նախ կպատասխանի հանձնաժողովականների հարցերին, ապա կներկայացնի իր զեկույցը։
Տոնոյանը նիստի մեկնարկին նշեց, որ հրապարակային հաշվետվություն կներկայացնի իր գործունեության վերաբերյալ։
Պաշտպանության նախկին նախարարը նաև նշեց, որ փակ նիստի անցկացման անհրաժեշտություն է լինելու, քանի որ այն տեղեկությունների մեծ մասը, որ ինքը ցանկանում է տրամադրել հանձնաժողովին, պետք է փակ նիստում հրապարակի։
Տոնոյանը, դիմելով քննիչ հանձնաժողովի աշխատանքները բոյկոտած խորհրդարանական ընդդիմությանը, մասնավորապես, ՀՅ Դաշնակցության և ՀՀԿ ներկայացուցիչներին, կոչ արեց մասնակցել գոնե փակ նիստին։
«Կարծում եմ, որ շարունակելու են իրենց գործունեությունը քաղաքական դաշտում, կարծում եմ, որ անվտանգության ու պաշտպանության կազմակերպման հարցերում իրենց՝ իմ կողմից տրամադրվող տեղեկությունը հետագա իրենց որոշումների համար կարևոր է։ Հակառակ դեպքում ես կխնդրեի նույն կուսակցության ներկայացուցիչներին այլևս չարտահայտվել հրապարակային՝ առնվազն իմ գործունեության հետ կապված հարցերի վերաբերյալ»,- պարզաբանեց պաշտպանության նախկին նախարարը։
Մանրամասները՝ տեսանյութում։
