Քաղաքականություն
01.08.2023 | 14:20
Ուկրաինայի Պաշտպանության նախարարությունն ու թուրքական ԱԹՍ-ներ արտադրող Baykar Makina ընկերությունը համաձայնագիր են ստորագրել Ուկրաինայում անօդաչու թռչող սարքերի վերանորոգման և սպասարկման սպասարկման կենտրոնի կառուցման վերաբերյալ։ Այս մասին հայտնել է Ուկրաինայի ՊՆ-ն, գրում է forbes.ua-ն։
Նշվում է, որ համաձայնագիրը կնքվել է 2023 թվականի հունվարի 23-ից ուժի մեջ մտած բարձր տեխնոլոգիաների, ավիացիայի և տիեզերական արդյունաբերության ոլորտում համագործակցության մասին երկու երկրների կառավարությունների միջև շրջանակային համաձայնագրի մշակման շրջանակում։
Ուկրաինայի ՊՆ-ն ակնկալում է, որ սպասարկման կենտրոնի կառուցումն էապես կնպաստի պաշտպանության ոլորտում երկու երկրների համագործակցությանը։
«Ամեն ոք Ուկրաինայում գիտի, թե ինչ է «Բայրաքթար»-ի, գիտի ձեր ընկերության մասին։ Սակայն մենք առաջ ենք շարժվում, և մեզ համար կարևոր է Ուկրաինայում ստեղծել սեփական բազան անօդաչուների սպասարկման համար։ Այս նախագիծը հիմք կդնի մեր համակարգված աշխատանքի և աշխատատեղեր կստեղծի Ուկրաինայում։ Պայմանավորվածություն ենք ձեռք բերել, որ մոտ ապագայում կենտրոն կստեղծվի»,- ասել է Ուկրաինայի ՊՆ մամուլի քարտուղար Կոնստանտին Վաշչենկոն։
Նա նշել է, որ Կիևի քաղաքականությունն ուղղված է ռազմական տեխնիկայի վերանորոգման սեփական հնարավորությունների ուժեղացմանը։
Էմմա Չոբանյան
