18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՄՆ-ը հայտնել է Ուկրաինայի հետ «անվտանգության երաշխիքների» շուրջ բանակցություններ սկսելու մասին
Քաղաքականություն
01.08.2023 | 13:23
ԱՄՆ Պետքարտուղարության խոսնակ Մեթյու Միլլերը հաստատել է, որ Վաշինգտոնի և Կիևի միջև այս շաբաթ բանակցություններ կսկսվեն Ուկրաինայի անվտանգությունը երկարաժամկետ ապահովելու հանձնառության շուրջ, որի մասին հայտարարել են G7-ի երկրները Վիլնյուսում ՆԱՏՕ-ի գագաթնաժողովի շրջանակում, գրում է VOA-ն:
Միլլերի խոսքով՝ այս երաշխիքները կոչված են օգնելու Ուկրաինային «կառուցել զինված ուժեր, որոնք կարող են պաշտպանել երկիրն ու կանխել ապագա հարձակումները, վերականգնել տնտեսությունը, պաշտպանել քաղաքացիներին և շարունակել ինտեգրվել եվրատլանտյան հանրությանը»:
ԱՄՆ արտաքին քաղաքականության գերատեսչության ներկայացուցիչն ընդգծել է, որ ԱՄՆ-ն Ուկրաինային տրամադրվող ռազմական օգնությունից առանձին է դիտարկում անվտանգության երկարաժամկետ պարտավորությունները։
«Մենք հստակ հասկացրել ենք, որ դիտարկում ենք այս գործընթացը երկու ուղղությամբ։ Նախ՝ անվտանգության աջակցություն՝ իրենց երկրի ներսում ռուսական ագրեսիան հետ մղելու ջանքերին աջակցելու համար, երկրորդ՝ երկարաժամկետ զինված ուժերի ստեղծումը, ինչը կարող է զսպող միջոց ծառայել ՌԴ ապագա ագրեսիայի դեմ»,- ասել է Միլլերը մամուլի ասուլիսի ժամանակ։
