02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ԱԹՍ-ի նոր հարվածներ Մոսկվայում․ «Վնուկովո» օդանավակայանը ժամանակավոր փակվել է
Քաղաքականություն
01.08.2023 | 11:21
Մոսկվայի քաղաքապետ Սերգեյ Սոբյանինը հայտնել է, որ անօդաչու թռչող սարքը դարձյալ հարվածել է մինչ այս հարձակման թիրախ դարձած «Մոսկվա-սիթի» երկնաքերին, գրում է BBC-ի ռուսական ծառաձությունը։
«Մի քանի անօդաչու թռչող սարքեր Մոսկվա թռչելիս խոցվել են հակաօդային պաշտպանության համակարգերի կողմից։ Մեկը թռել է դեպի քաղաքի նույն երկնաքերը, ինչ նախորդ անգամ: Վնասվել է 17-րդ հարկի մակարդակով շենքի ճակատային հատվածը»,- Սոբյանինի խոսքերն է մեջբերում «ՌԻԱ Նովոստին»։ Ըստ ռուսական գործակալությունների՝ անօդաչու թռչող սարքի նոր հարձակման հետևանքով ժամանակավոր դադարեցվել է Մոսկվայի «Վնուկովո» օդանավակայանի գործունեությունը, որը գտնվում է Ռուսաստանի մայրաքաղաքից հարավ-արևմուտք։
Կիրակի գիշերը Մոսկվա քաղաքում երկու անօդաչու թռչող սարք հարվածել էր «Մոսկվա-սիթի» երկնաքերերին, ևս մեկը կործանվել էր Մոսկվայի մերձակայքում։ ՌԴ ՊՆ-ն հայտնել էր, որ գիշերը Մոսկվայի մարզում երկու ուկրաինական անօդաչու թռչող սարք են խոցել, մեկը ճնշվել է ռադիոէլեկտրոնային պայքարի միջոցներով։
