25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ԵԽԽՎ նախագահը կոչ է անում հնարավորինս արագ փաստահավաք առաքելություն ուղարկել՝ ԼՂ-ում ստեղծված իրավիճակը գնահատելու
Քաղաքականություն
31.07.2023 | 21:00
Եվրոպայի խորհրդի խորհրդարանական վեհաժողովի (ԵԽԽՎ) նախագահ Թինի Քոքսն այսօր հանդես է եկել Լեռնային Ղարաբաղում տիրող իրավիճակի վերաբերյալ հայտարարությամբ:
«Հաշվի առնելով Լեռնային Ղարաբաղում հումանիտար և մարդու իրավունքների հետ կապված իրավիճակի հետագա վատթարացումը՝ ես հիշեցնում եմ հունիսի 20-ի Վեհաժողովի խնդրանքը Եվրոպայի խորհրդի Նախարարների կոմիտեին՝ հնարավորինս արագ կազմակերպել փաստահավաք առաքելություն դեպի Ադրբեջան՝ գնահատելու 2022 թվականի դեկտեմբերի 12-ից Լաչինի միջանցքով ազատ և անվտանգ մուտքի բացակայությունից հետո ստեղծված իրավիճակը, որում հայտնվել են հայերը։
Ես միանում եմ 2023 թվականի հուլիսի 28-ին Եվրոպայի խորհրդի գլխավոր քարտուղարի կողմից հնչեցրած երկխոսության կոչին և կոչ եմ անում և՛ Ադրբեջանին, և՛ Հայաստանին, որպես Եվրոպայի խորհրդի անդամ պետություններ, վերջապես կատարել 1991 թվականին անդամակցության ընթացքում ստանձնած իրենց փոխադարձ պարտավորությունները՝ լարվածության թուլացման և խաղաղության վերականգնման ուղղությամբ»,- ասվում է հայտարարությունում։
