16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
Էրդողանն ընդունել է Բայրամովին․ քննարկել են Հայաստանի հետ հարաբերությունների կարգավորման հարցը
Քաղաքականություն
31.07.2023 | 18:47
Պաշտոնական այցով գտնվող Թուրքիայում Ադրբեջանի ԱԳ նախարար Ջեյհուն Բայրամովին ընդունել է նախագահ Ռեջեփ Թայիփ Էրդողանը։ Թուրքիայի նախագահականի հաղորդմամբ՝ Էրդողանը ԱԳ նախարար Հաքան Ֆիդանի և գլխավոր խորհրդական դեսպան Աքիֆ Չաղաթայ Քըլըչի մասնակցությամբ հանդիպմանը Բայրամովին ասել է, որ Թուրքիա-Ադրբեջան առևտրաշրջանառության ծավալը 15 միլիարդ դոլարի հասցնելու ջանքերը պետք է շարունակվեն։
Նշվել է, որ երկու երկրների շահերից է բխում միասին գործել և լիարժեք համագործակցել էներգետիկայի և տրանսպորտի ոլորտներում։ Էրդողանը կարևորել է նաև Անդրկասպյան երկաթուղու և Բաքու-Թբիլիսի-Կարս երկաթուղու կարևորությունը՝ ընդգծելով, որ այդ ուղիները պետք է ավելի արդյունավետ օգտագործվեն։
«Հանդիպմանը, որի ընթացքում քննարկվել է նաև Ադրբեջան-Հայաստան հարաբերությունների կարգավորման գործընթացը, նախագահ Էրդողանն ընդգծել է, որ կարգավորման գործընթացի համար էական նշանակություն ունեն «Զանգեզուրի միջանցքի» անհապաղ բացումը և համապարփակ խաղաղության համաձայնագրի շուտափույթ կնքումը»,- ասվում է հաղորդագրության մեջ։
Հավելենք, որ ավելի վաղ Բայրամովը բանակցություններ էր անցկացրել Թուրքիայի ԱԳ նախարար Հաքան Ֆիդանի հետ։
Էմմա Չոբանյան
