02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
IKEA-ի սեփականատերը վաճառել է Ռուսաստանի կենտրոնակայանը
Քաղաքականություն
31.07.2023 | 22:20
Շվեդական Ingka Centers-ը (Ingka Group-ի ստորաբաժանումը, որը կառավարում է IKEA խանութների ցանցը և Mega առևտրի կենտրոնները) վաճառել է Խիմկիի Business Park գրասենյակային համալիրը, որտեղ գտնվում էր ընկերության ռուսական մասնաճյուղի գրասենյակը, գրում է Ведомости-ն,փոխանցում է Meduza-ն։
Հունիսի 21-ին Խիմկիի Business Park-ի նոր սեփականատերը դարձել է КЛС-Химки-ն։ Լրատվամիջոցին երկու աղբյուր հաստատել են գործարքի փաստը։ Նշվում է, որ այն պատկանում է գործարար Գրիգորի Սահակյանին և A-Finance և A-Basis ընկերությունների համասեփականատեր Արկադի Դանիելյանին։
Աղբյուրներից մեկի խոսքով՝ Ingka Centers-ը ծրագրում էր գրասենյակային համալիրը վաճառել մոտ չորս միլիարդ ռուբլով։ «Ведомости»-ի հետ զրուցած փորձագետները գործարքի գումարը գնահատել են 4-4,2 միլիարդ ռուբլի:
Հավելենք, որ շվեդական Ingka Group-ը, որին պատկանում է Ռուսաստանում IKEA խանութների ցանցը և Mega առևտրի կենտրոնները, դադարեցրել է աշխատանքն Ուկրաինա ռուսական լայնամասշտաբ ներխուժման մեկնարկից անմիջապես հետո:
Էմմա Չոբանյան
